هل يمكن ان يتوب ابليس؟ فى هذا الفيلم الاجابةعن هذا السؤال

بالبلدى الفصيح وكلام صعب ومريح..طريقة ابليس فى الحوار..والرد عليها

بالبلدى الفصيح وكلام صعب ومريح..طريقة ابليس فى الحوار..والرد عليها

**بالبلدى الفصيح وكلام صعب ومريح.*.طريقة ابليس فى الحوار.*.والرد عليها**

طريقة الشيطان فى الحوار يبقى عامل العمله وموقع الدنيا فى بعضها ويا سلام عل التقوى ..

اسمع منه احلا وعظ واحلى كلام ويرصلك الايات ماهو بجح ويعملها ..

كذاب وابو الكذب..

مرائى ..

يلبس صورة التقوى وينكر قوتها ..

طب هو عمل كده قبل كده ..

تعالى كده شوفه فى التجربه على الجبل يا بجاحتك ...

بيقول للمسيح مكتوب ,,هو انت ناسى ولا بتستعبط ..

شكلك كده بتستعبط ..

انت مش عارف يا شو..

ان اللى بتقوله مكتوب هو صاحب الكلام؟مش بقولك بتستعبط يا شو..

بالبلدى الفصيح وكلام صعب ومريح..طريقة ابليس فى الحوار..والرد عليها

فى ناس كده فى حياتنا تعمل العمله وتخليك تنفر منهم وبعد كده يلومونك انك ما عندكش محبه وانك لو ما صومتش بس حبيت قريبك..

احسن لك من انك تصوم عن اكل معين ..

طب اسمع ده يا معلم.

ايه رأيك بقى فى اللى بيحافظ على سلامه بالبعد عنك بس ما بيكرهش حد مش ده برضه كويس ولا حسب نظرتك الشوشوييا..

ها تجادل وتقولى بس كده ده مش محبه..

امال عاوزنى اعيش حياتى تحت امر افكارك الشيطانيه فاقد لسلامى وعايشها ومقضيها تمثيل وضاغط على اعصابى عاوز تضرب على طول ولو حد رد يبقى ما عندهوش محبه ؟

عجبى ماهى افكار شيطانيه .

بص بقى يا حبيب ابوك من دلوقتى اقولك كلمه فى ودنك...

 اسف طظ فيك ..

اسف تانى للشتيمه.

بس كنت لازم اقولك كده طظ فى افكارك السودا

 طظ فى تصرفاتك اللى عاوزه الكل تحت امرك

 طظ فى عدم احترامك لغيرك مش هافضل افقد فى سلامى علشان اعجب حضرتك 

ها تقول عليا ما بيحبش قريبه وانا مش ها رد عليك وها سيب الايام تثبت للكل مين بيحب ومين بيكره

 ها عيش حياتى بسلام ومش ها اتغير علشان اقعد اثبتلك انى صومى حق ولا مش حق ..

ما لكش دعوه بصومى سيبنى يا سيدى ادخل جهنم ..

اسمع ده جهنم اسهل بكتير من جهنمك وافكارك اللى ها تخلص عليك ..

افضل كده مقضيها مناكفه وقرف فى غيرك لغاية ما هتنزل قبرك ساعتها بس راح تعرف مين اللى كان صح ومين اللى كان غلط ..

اسمع ده كمان؟؟

انجى بى بانطوكراتور ابشويس بنوتى ..عارفها ولا افكرك بيها الضابط الكل الرب الهنا 

بالبلدى الفصيح وكلام صعب ومريح..طريقة ابليس فى الحوار..والرد عليها

يعنى من لا ضابط له ضابط الطل ضابطه ..

يا خوفى من العباره ده..

مخيفه بجد وكلها عدل ..

اوعى تكون فاكرها سايبه وملهاش ضابط ده ضابطها ضابط الكل

بالبلدى الفصيح وكلام صعب ومريح..طريقة ابليس فى الحوار..والرد عليها

 اللى عارف بدبة النمله اللى عادد الانفاس

 اللى بيرزق تحت الحجر 

اللى عارف عدد رمل البحر واللى عارف عدد اوراق الشجر ..

اقولك كمان ولا  عارف ..

واقولك ليه ما انت ابو العريف ده حافظ كلامه وفاهم نظامه بس بتحيد وتتعوج عن طرقه ..

لان ده نظامك ..

ما لكش فى العدل يا شو..

عارف كل حاجه بس عاوزها تفصيل على مزاج مزاجك .

الويل كل الويل لمن يقرأها باستهانه ..

حاسب على نفسك واوعاك يغرك فكرك بردود الفلسفه الفارغه اصل الكلام فى العدل بزياده وما ينفع معاه فلسفه ولا فزلكه لكن ينفع تسمع وتفهم علك تكون تحت النير واقع وانا كمان بسمع معاك لان الكلام عاجبنى وبراجع نفسى فى ضوئه كويس اوعاك تكون بتعوج فى المستقيمات ؟..

اوعاك تكون بتزوق لنفسك افعال ؟..

اوعاك واوعاك ..

مسيحنا جاى شايف اهو واقف هناك ..

بالبلدى الفصيح وكلام صعب ومريح..طريقة ابليس فى الحوار..والرد عليها

على السحاب نازل ويا بخت اللى جاهز خفيف من حموله وخفيف من همومه الخفيف راح يطير ويلاقيه على السحاب

 والثقيل راح يندم ويحاول يخفف حموله بس يا خوفى ما نلحق نفضى الحمول ونلاقيه وصل وساعتها ما راح ينفع ولا معاه يشفع لا ينفع ندم ولا يشفع ليك غير العمل ..

يا خوفى يا بدران ..

معلش حابكه معايا شويتين..

بس بخفف من وطأة الوقوع فى ايدين الديان ..

لانه مخوف وعادل الوقوع فى يدى الرب العادل الديان اللى لا بينفع معاه تمثيل ولا يدريك عن عينيه ثياب الحمل ..

بالبلدى الفصيح وكلام صعب ومريح..طريقة ابليس فى الحوار..والرد عليها

وساعتها يا صاحبى وصديقى ما ينفع أمل لكن راح يغفرلك ويسامحك لو كان فى عمل ..

للخير ..

وقولة الخير على الغير..

وجرى وسعى فى محبه للكل وللغير.

بده راح تقابله ويقولك نعما بك ادخل للفرح ويا اللى سبق واصحى وصحصح احسن تسمع اللى سبق اكل النبق..

مقال بالعاميه المصريه واللهجه الصعيديه كتبه لاختبارك

اسحاق يوسف فرج

الاخراج الفنى للمقال اسحاق يوسف فرج