ترنيمة الاعياد فى كنيستنا ..سلسلة الدروس المرنمه
كثيرا ما نتحدث عن الاعياد السيديه الكبرى والصغرى ويحفظها الابناء فى التربية الكنسية والكبار وسرعان ما ينساها الكبار والصغار لذا وضعنا على عاتقنا ان نقدم لكم ترنيمه يتعلم فيها الكبار والصغار ترتيب الاعياد فى الكنيسة الارثوذكسية فالى شرح مبسط عن الاعياد ختاما نقدم لكم ترنيمة الاعياد:
ترنيمة الاعياد فى كنيستنا ..سلسلة الدروس المرنمه
الأعياد في العهد الجديد:
الأعياد نوعان:
1- سيدية وهي الخاصة بالسيد المسيح وهي (أعياد سيدية صغرى، وأعياد سيدية كبرى).
2- غير سيدية وهي الخاصة بالسيدة العذراء والملائكة والرسل والشهداء والقديسين.
الأول الأعياد السيدية الكبرى وهي تمس "خلاص البشرية" مباشرة
البشارة - الميلاد - الغطاس - الشعانين - القيامة - الصعود - العنصرة..
معني عيد سيدي صغير هو حدث أو عيد مختص بالسيد المسيح نفسه ،
ولكنه غير أساسي لإتمام خطة الخلاص
الختان - عرس قانا الجليل - دخول الرب الهيكل بعد 40 يومًا من ولادته- منحه العشاء السري لتلاميذه - أحد توما المعروف بالأحد الجديد بعد القيامة بأسبوع- دخوله أرض مصر لهروبه من هيرودس - تجليه علي الجبل.
الأعياد السيدية *الأعياد السيدية الكبرى:-
1- البشارة 29 برمهات.
2- الميلاد 29 كيهك.
3- الغطاس 11 طوبة.
4- الشعانين الأحد السابع من الصوم الكبير.
5- القيامة الأحد الثامن من الصوم الكبير.
6- الصعود اليوم الأربعين من القيامة.
7- العنصرة اليوم الخمسين من القيامة.
الأعياد السيدية الصغرى:-
1- الختان 6 طوبة.
2- دخول السيد المسيح الهيكل 8 أمشير.
3- دخول السيد المسيح ارض مصر 24 بشنس.
4- عرس قانا الجليل 13 طوبة.
5- التجلي 13 مسرى.
6- خميس العهد الخامس من الشعانين.
7- أحد توما الثامن من القيامة.
++++++++++++++
ترنيمة الاعياد السيديه والاعياد فى العهد الجديد
على وزن توزيع الاعياد السيديه
+++++++++++
*قرار*
يلا بينا نتعلم ترنيمة الاعياد وها نفرح وراح نعلن
على وزن هليلويا
..............
الاعياد فى العهد الجديد بنقسمهم لنوعين
اعياد سيديه خاصه بالهنا الهنا الفادى المعين
............
واعياد خاصه بالعذراء والملايكه والرسل والقديسين
وبنتابعهم فى كتاب اسمه سنكسار القديسين
..........
يلا بينا نتعلم اعياد سيديه ونفهم
فى كنستنا عملتهم 7 صغرى وسبعه كبرى
..............
تعالوا بينا نفهم يعنى ايه 7 صغرى ويعنى ايه 7 كبرى
وها ندخل مع بعض فى الفهم المتين
................
وراح نفرح ونتهلل باسم الفادى الامين
سبعه صغرى يعنى تخص الهنا لكن ما يمس الخلاص بشكل مباشر
والكبرى تخص الهنا لكن يمس خلاصه بشكل مباشر
....................
اول اعيادنا الصغرى عيد الختان 6 طوبه
اما التانى 13 طوبه عيده فى عرس قانا الجليل
..............
والرابع دخوله لارض مصر فى اربعه وعشرين بشنس
.............
13 مسرى التجلى وخميس العهد بعد الشعانين
واخر الصغرى احد توما الثامن من قيامة رب العالمين
...................
هليلويا هليلويا اعيادنا كمان سبعه كبرى
تعالوا نقولهم ونسبح هليلويا هليلويا
....................
نبدأ بالبشاره 29 من برمهات فيه بنعيد
والتانى من الكبار 29 كيهك عيد الميلاد
.............
والتالت من الكبار عيد الغطاس بنعيدله 11 طوبه
وبنسميه عيد الظهور الالهى ثالوث فى واحد وواحد فى ثالوث
..................
والرابع حد الشعانين فيه بنعيد فرحانين
بدخول الفادى لاورشاليم بنصلى ونهتف اوصنا
........
والعيد الخامس القيامه والسادس الصعود فى اليوم الاربعين
وحلول روحه على التلاميذ عيد العنصره يوم الخمسين
............
هليلويا هليلويا هليلويا هليلويا ..فرحتنا كبيره باعيادنا
فرحنا الهنا بخلاصه
+++++++++++++++++++++
كلمات اسحاق يوسف فرج